કોરોના કટોકટીમાં પેટ કમિન્સ પછી, બ્રેટ લીએ પણ આપ્યું આટલા રૂપિયાનું દાન, ટ્વીટ કરીને કહ્યું- ભારત મારા માટે છે બીજું ઘર

• ઓસ્ટ્રેલિયા અને કોલકાતા નાઈટ રાઇડર્સના ઝડપી બોલર પેટ કમિન્સે સોમવારે ભારતીય હોસ્પિટલોમાં ઓક્સિજન સપ્લાય કરવા માટે લગભગ 37 લાખ રૂપિયા દાનમાં આપ્યા હતા.

• બ્રેટ લીએ
• આ દરમિયાન ઓસ્ટ્રેલિયાના પૂર્વ ઝડપી બોલર બ્રિટલીએ મંગળવારે ભારતીય હોસ્પિટલોમાં ઓક્સિજનના સપ્લાય માટે 1 બીટકોઈન (આશરે 41 લાખ રૂપિયા) દાન આપવાની જાહેરાત કરી છે. આઈપીએલને કારણે બ્રેટ લી હાલમાં ભારતમાં છે. આ પહેલા ઓસ્ટ્રેલિયાના ઝડપી બોલર પેટ કમિન્સે ભારતને મદદ કરવા $ 50,000 (લગભગ 37 લાખ રૂપિયા) દાન આપવાની જાહેરાત કરી હતી.

• ટ્વીટર પર લખાયેલ સંવેદનાત્મક સંદેશ
• બ્રેટ લીએ ટ્વિટર પર ભારતીય લોકો માટે ભાવનાત્મક સંદેશ પણ શેર કર્યો છે. તેમણે લખ્યું 'ભારત હંમેશા મારા માટે બીજા ઘર જેવું છે. મારા વ્યવસાયિક કારકિર્દી દરમિયાન અને નિવૃત્તિ પછી મને અહીંના લોકો તરફથી મળેલા પ્રેમને કારણે મારા દિલ માં આ દેશ માટે વિશેષ સ્થાન છે. કોરોના મહામારીને કારણે ઉભી થયેલી પરિસ્થિતિ જોઈને ખૂબ જ દુખ થાય છે. ' તેમણે વધુમાં લખ્યું કે 'એક થવાનો સમય આવી ગયો છે. આપણે બધાએ ખાતરી કરવી જોઈએ કે મહત્તમ જરૂરીયાતમંદ લોકોને મદદ મળી શકે.

• લોકોને કોરોના થી સાવચેત રહેવા અપીલ કરી
• બ્રેટ લીએ પણ આ મુશ્કેલ પરિસ્થિતિમાં પોતાની ડ્યુટી નિભાવનારા ફ્રન્ટલાઈન યોદ્ધાઓનો આભાર માન્યો. તેમણે લોકોને અપીલ કરી કે તેઓ ઘરે જ રહે માસ્ક પહેરે અને સોશિયલ ડિસ્ટન્સને અનુસરે. આ ઉપરાંત તેમણે મદદ માટે હાથ લંબાવાની પહેલ કરવા બદલ પેટ કમિન્સની પ્રશંસા કરી.

• પેટ કમિન્સે કરી પહેલ
• આ પહેલા સોમવારે ઓસ્ટ્રેલિયા અને કોલકાતા નાઈટ રાઇડર્સના ઝડપી બોલર પેટ કમિન્સે 37 લાખ રૂપિયા દાનમાં આપ્યા હતા અને અન્યને મદદ માટે અપીલ કરી હતી. તેમના આ પગલાની દુનિયાભરમાં પ્રશંસા થઈ રહી છે.