બોલિવૂડ કલાકારો તેમની લક્ઝરી લાઇફ માટે જાણીતા છે. પૈસા, ઘર, ગાડી, કપડાં દરેક વસ્તુથી તેમની લાઈફ સ્ટાઇલ ચોખ્ખી દેખાય છે. સફળ થવાની સાથે કલાકારોની આર્થિક સ્થિતિ પણ મજબૂત બને છે. ઘણી વાર બોલિવૂડના સમૃધ્ધ અભિનેતાઓની તો વાત થાય છે પરંતુ એવા ઘણા ઓછા પ્રસંગો આવે છે જ્યારે હિન્દી સિનેમાની સમૃદ્ધ અભિનેત્રીઓનું નામ લેવામાં આવે. આજે અમે તમને એવી જ 5 બોલીવુડની અભિનેત્રીઓ વિશે જણાવવા જઈ રહ્યા છીએ જે તેમની સુંદરતાની સાથે સાથે તેમની સમૃધ્ધિ માટે પણ પ્રખ્યાત છે.
કાજોલ…
અભિનેત્રી કાજોલે 90 ના દાયકામાં ઘણી સફળતા મેળવી છે. કાજોલ બોલીવુડની સૌથી સફળ અભિનેત્રીની સાથે સાથે અમિર અભિનેત્રીઓમાંથી પણ એક ગણવામાં આવે છે. પોતાની જોરદાર એક્ટિંગથી દુનિયાને પોતાના પ્રશંસક બનાવનાર કાજોલે એક થી એક હિટ ફિલ્મો આપી છે. કાજોલની કુલ સંપત્તિ આશરે 16 મિલિયન ડોલર (લગભગ 12 કરોડ) હોવાનું નોંધાયું છે. તમને જણાવી દઈએ કે લાંબા સમયથી કાજોલ ફિલ્મી પડદાથી દૂર છે. તે છેલ્લે વર્ષ 2018 ની ફિલ્મ હેલિકોપ્ટર ઇલામાં જોવા મળી હતી.
એશ્વર્યા રાય બચ્ચન…
પૂર્વ મિસ વર્લ્ડ અને હિન્દી સિનેમાની સૌથી સફળ અને સુંદર અભિનેત્રીઓમાંની એક એશ્વર્યા રાય બચ્ચન હવે ફિલ્મી પડદે દેખાતી નથી. એશ્વર્યા રાયનું નામ પણ બોલિવૂડની સમૃદ્ધ અભિનેત્રીઓમાં શામેલ છે. ફિલ્મ 'ઔર પ્યાર હો ગયા' થી હિન્દી સિનેમામાં પ્રવેશ કરનારી એશ્વર્યાએ ઘણી હિટ ફિલ્મોમાં કામ કર્યું છે. તેમની કમાણી વિશે વાત કરીએ તો તેમની સંપત્તિ લગભગ 35 મિલિયન ડોલર (લગભગ 24 કરોડ) થી વધારે છે.
દીપિકા પાદુકોણ…
આજના સમયની સૌથી સફળ અને લોકપ્રિય અભિનેત્રીઓમાં ગણાતી દીપિકા પાદુકોણનું નામ પણ આ સૂચિમાં શામેલ છે. વર્ષ 2007 માં શાહરુખ ખાન સાથે ફિલ્મ ' ૐ શાંતિ ૐ ' થી પોતાની ફિલ્મ કારકીર્દિની શરૂઆત કરનાર દીપિકા પાદુકોણ પોતાની 13 થી 14 વર્ષની કારકિર્દીમાં ઘણી સુપરહિટ ફિલ્મો આપી છે. પ્રાપ્ત મીડિયા અહેવાલો અનુસાર તેની વાર્ષિક કમાણી 45 મિલિયન ડોલર (30 કરોડ રૂપિયા) છે.
કરીના કપૂર ખાન…
કરીના કપૂર ખાનની ગણતરી હિન્દી સિનેમાની સૌથી સુંદર અભિનેત્રીઓમાં થાય છે. સાથે જ તે કમાણીની બાબતમાં ખૂબ આગળ છે. વર્ષ 2000 માં કરીના કપૂરે પોતાની ફિલ્મી કરિયરની શરૂઆત કરી હતી. આ દરમિયાન તેમની ફિલ્મ 'રેફ્યુજી' રિલીઝ થઈ હતી. આ ફિલ્મમાં તેમની સાથે મહત્વપૂર્ણ ભૂમિકામાં અભિનેતા અભિષેક બચ્ચન જોવા મળ્યો હતો. પ્રાપ્ત મીડિયા અહેવાલો અનુસાર કરીના દર વર્ષે ફિલ્મો અને જાહેરાતોથી લગભગ 35-37 મિલિયન ડોલર (લગભગ 23-25 કરોડ રૂપિયા) કમાય છે.
પ્રિયંકા ચોપડા…
પૂર્વ મિસ વર્લ્ડ અને બોલિવૂડથી લઈને હોલીવુડ સુધી કામ કરી ચૂકેલી અભિનેત્રી પ્રિયંકા ચોપડા આજે કોઈ ઓળખ ની મોહતાજ નથી. પ્રિયંકા ચોપડાએ તેની લગભગ 17 વર્ષની ફિલ્મ કારકીર્દિમાં મોટી સફળતા મેળવી છે. તેની ઘણી ફિલ્મો હિટ રહી છે. પ્રિયંકાની ગણતરી પણ બોલીવુડની સૌથી ધનિક અભિનેત્રીઓમાં થાય છે. મીડિયા અહેવાલોમાં કહેવામાં આવ્યું છે કે પ્રિયંકા ચોપડા એક વર્ષમાં 40 મિલિયન ડોલર (લગભગ 27 કરોડ રૂપિયા) કમાય છે. નોંધનીય છે કે તાજેતરમાં જ પ્રિયંકાએ યુ.એસ. માં "સોના" નામની પોતાની રેસ્ટોરન્ટ ખોલી છે આ રેસ્ટોરન્ટમાં ભારતીય વાનગીઓ ઉપલબ્ધ છે.
0 Comments