હિન્દી સિનેમાના દિગ્ગજ અભિનેતા અક્ષય કુમાર છેલ્લા 30 વર્ષથી બોલિવૂડ પર રાજ કરે છે. અક્ષય કુમારે વર્ષ 1991 માં તેના ફિલ્મી કરિયરની શરૂઆત કરી હતી. તેની પ્રથમ ફિલ્મ 'સૌગંધ' હતી. એક સમયે સામાન્ય છોકરો કહેવાતો અક્ષય કુમાર પછી તેની કામગીરીને કારણે અબજો રૂપિયાની સંપત્તિનો માલિક બની ગયો.
અક્ષય કુમારનો જન્મ 9 સપ્ટેમ્બર 1967 માં પંજાબના અમૃતસરમાં થયો હતો. અક્ષય કુમારનું નામ આજે આખી દુનિયામાં ઓળખાય છે. અક્ષય કુમારે દરેક કિરદાર સારી રીતે નિભાવ્યા છે અને દર્શકોનું મનોરંજન કર્યું છે.
આજે તે હિન્દી સિનેમાના સૌથી વ્યસ્ત કલાકાર તેમજ સૌથી વધુ કમાણી કરનાર અને સૌથી સફળ કલાકાર તરીકે ગણવામાં આવે છે. મીડિયા રિપોર્ટ્સ અનુસાર અક્ષય કુમારની સંપત્તિ 2400 કરોડથી વધુ છે.
કેનેડા, ગોવા, લંડન જેવા ઘણા સુંદર સ્થળોએ અક્ષય કુમારના ભવ્ય ઘરો છે. મુંબઇના દરિયા કિનારે આવેલા એક ભવ્ય મકાનમાં અક્ષય કુમાર તેના પૂરા પરિવાર સાથે રહે છે. અક્ષય કુમારનું આ ઘર ફાઈવસ્ટાર હોટલ જેવું લાગે છે. એશ-ઓ-કમ્ફર્ટની દરેક વસ્તુ તેમાં હાજર છે. આવો આજે આપને 'બોલીવુડના ખિલાડી' ના મુંબઇનાં ઘરનો પ્રવાસ કરાવિએ….
અક્ષય કુમાર તેની પત્ની ટ્વિંકલ ખન્ના અને બે બાળકો પુત્રી નિતારા અને આરવ ની સાથે મુંબઈના 'પ્રાઇમ બીચ' જુહુના લક્ઝરી બંગલામાં રહે છે. આ ઘરમાંથી સમુદ્ર સ્પષ્ટ દેખાય છે. આ દ્રશ્ય મનને મોહિત કરે છે.
અક્ષય કુમારના ઘરનો બગીચાનો વિસ્તાર પણ ઘણો શાનદાર છે. તમે જોઈ શકો છો કે અક્ષય અને ટ્વિંકલે તેમના ઘરમાં હરિયાળી ને ઘણી જગ્યા આપી છે.
અક્ષય કુમારની પત્ની અને અભિનેત્રી-લેખક ટ્વિંકલ ખન્નાએ ઘરના આંતરિક ભાગનું કામ કર્યું છે. મળતી માહિતી મુજબ ગ્રાઉંડફ્લોર પર લિવિંગ એરિયા, ભોજન ક્ષેત્ર, રસોડું, હોમ થિયેટર અને અક્ષય કુમારનું ક્લોજેટ બનાવવામાં આવ્યૂ છે.
આ નજારો અક્ષય કુમાર અને ટ્વિંકલ ખન્નાના ઘરની અંદરનો છે. ઘર બહારથી જેટલું સુંદર છે તેટલું જ અંદરથી પણ છે. ઘરની દિવાલો પર સુંદર ચિત્રો લગાવવામાં આવ્યા છે જ્યારે ઘરનો સોફા સેટ પણ ખૂબ જ સુંદર અને લક્ઝરી છે.
અક્ષય અને ટ્વિંકલના આ ઘરમાં સ્વીમિંગ પૂલને પણ જગ્યા આપવામાં આવી છે. ઘરમાં પહેલા ફ્લોર પર બેડરૂમ, પેન્ટ્રી, ટ્વિંકલ ખન્નાની ઓફિસ અને બાલ્કની છે. મોટે ભાગે આખો પરિવાર અહીં એક સાથે સમય વિતાવે છે અને બધા લુડો અને અન્ય ઇન્ડોર રમતોનો આનંદ માણે છે.
અક્ષય કુમાર એક વર્ષમાં અબજો રૂપિયા કમાય છે. તેઓ ફિલ્મો તેમજ જાહેરાતોથી કરોડો રૂપિયાની કમાણી કરે છે. મળતી માહિતી પ્રમાણે અક્ષય એક એડ માટે લગભગ 5 થી 7 કરોડ વસૂલે છે.
અક્ષય અને ટ્વિંકલે ઘણા કૂતરાઓ પણ રાખ્યા છે. ટ્વિંકલ ખન્ના તેના પાલતુ કૂતરા સાથે રમે છે.
ટ્વિંકલ ખન્ના જે અગાઉ એક પ્રખ્યાત અભિનેત્રી હતી હવે તે લેખક બની ગઈ છે. તેમને લખવાનો શોખ છે અને તેમને પુસ્તકો વાંચવાનો પણ ખૂબ શોખ છે.
આ તસવીરમાં જોઇ શકાય છે કે એક તરફ અક્ષય અને ટ્વિંકલ ક્વાલિટી સમય વિતાવી રહ્યા છે તો બીજી તરફ તેમનો કૂતરો આરામ કરી રહ્યો છે.
તમને જણાવી દઈએ કે અક્ષય કુમાર તાજેતરમાં કોરોનાને હરાવીને ઘરે આવ્યા હતા. કોરોના થયા બાદ તેમને હોસ્પિટલમાં દાખલ કરવામાં આવ્યા હતા. આ સમયે તેઓ તેમના ઘરે આરામ કરી રહ્યા છે અને તેઓ સંપૂર્ણપણે સ્વસ્થ છે.
વર્કફ્રન્ટની વાત કરીએ તો અક્ષયની ટૂંક સમયમાં રિલીઝ થનારી ફિલ્મ સૂર્યવંશી છે. આ ફિલ્મના ચાહકો આતુરતાથી રાહ જોઇ રહ્યા છે. તે જ સમયે તેમની પાસે બેલ બોટમ, રક્ષા બંધન, અતરંગી રે, પૃથ્વીરાજ, રામ સેતુ અને બચ્ચન પાંડે જેવી અડધો ડઝનથી વધુ ફિલ્મો પણ છે. લગભગ બધી ફિલ્મો સતત ચર્ચામાં રહે છે.
0 Comments