આ મામલામાં રાની મુખર્જી છે બધી અભિનેત્રીઓથી આગળ, અડધો ડઝનથી વધુ સાથે...

  • બોલિવૂડની જાણીતી અભિનેત્રી રાની મુખર્જી આજે 43 વર્ષની થઈ ગઈ છે. ખૂબ જ નાની ઉંમરે ફિલ્મી કરિયરની શરૂઆત કરનારી રાની મુખર્જીએ ફિલ્મ ઈન્ડસ્ટ્રીમાં સારું નામ કમાવ્યું છે. એક સમયે તેના અવાજને કારણે મુશ્કેલીઓનો સામનો કરી ચૂકેલી રાનીએ આગળ વધીને પોતાના દમથી જ ઉદ્યોગમાં એક વિશેષ સ્થાન બનાવ્યું હતું. ચાલો આજે અમે તમને રાની મુખર્જીને લગતી કેટલીક આવી વાતો જણાવીએ જેના વિશે તમે પહેલા ભાગ્યે જ સાંભળ્યું હશે.
  • અભિનેત્રી બનવાની ઇચ્છા નહોતી…
  • આજે રાની મુખર્જીની ગણતરી બોલિવૂડની સફળ અભિનેત્રીઓમાં થાય છે પરંતુ તમને એ જાણીને આશ્ચર્ય થશે કે રાની ક્યારેય ફિલ્મોમાં આવવા માંગતી ન હતી. એવું કહેવામાં આવે છે કે તેણીએ ફેશન ડિઝાઇનર બનવાનું સપનું જોયું હતું જોકે તેણીનું નસીબ અભિનેત્રી બનવાનું હતું અને તેની ફિલ્મી કરિયરની શરૂઆત તેના પિતા રામ મુખર્જીની ફિલ્મથી થઈ હતી.
  • બંગાળી સિનેમાની એન્ટ્રી…
  • ઘણા લોકોને લાગે છે કે રાની મુખર્જીની ફિલ્મી કરિયરની શરૂઆત હિન્દી સિનેમાથી હશે પરંતુ તમને જણાવી દઈએ કે રાનીએ તેની કારકીર્દિની શરૂઆત બંગાળી સિનેમાથી કરી હતી. તેની પહેલી ફિલ્મ બિયેર ફૂલ હતી. આ ફિલ્મનું નિર્માણ તેમના પિતા રામ મુખર્જીએ કર્યું હતું. અભિનેતા પ્રોસેનજીત ચેટરજી આ ફિલ્મમાં રાની સાથે જોવા મળ્યા હતા.
\
  • આદિત્ય ચોપરા સાથે સાત ફેરા…
  • 37 વર્ષની ઉંમરે રાની મુખર્જીએ પોતાનાથી 6 વર્ષ મોટા જાણીતા ફિલ્મ નિર્માતા આદિત્ય ચોપડા સાથે સાત ફેરા લીધા હતા. બંનેના લગ્ન વર્ષ 2014 માં થયા હતા. આજે બંને એક પુત્રી આદીરાના માતા-પિતા છે. ખાસ વાત એ છે કે લગ્ન પછી પણ રાનીએ ફિલ્મોમાં કામ કરવાનું બંધ કર્યું નહીં. તેણે વ્યક્તિગત અને વ્યાવસાયિક જીવનમાં સંતુલન રાખ્યું હતું. લગ્ન પછી રાની મરદાની સિરીઝ અને હિંચકી જેવી મહાન ફિલ્મ્સનો ભાગ હતી અને તેણે આ ફિલ્મોથી ઘણી હેડલાઇન્સ બનાવી હતી.
  • રાનીની જોરદાર ફિલ્મો…
  • રાનીએ તેની 25 વર્ષીય ફિલ્મ કારકિર્દીમાં એકથી વધુ હિટ ફિલ્મો આપી છે. તેમની સફળ ફિલ્મોમાં ગુલામ, કુછ કુછ હોતા હૈ, મન, હેલો ભાઈ, હે રામ, હદ કર દી આપને, બિચ્છુ, હર દિલ જો પ્યાર ક્યા, કહી પ્યાર ના હો જાયે, ચોરી ચોરી ચૂપકે ચૂપકે ચુપકે, નાયક અને ખુશી કભી ગમ, સાથિયા, ચલતે ચલતે, એલઓસી કારગિલ, યુવા, હમ તુમ, વીર ઝારા, બ્લેક, બંટી ઓપ બબલી, બાબુલ, લાગા ચુનરી મે દાગ અને સાવરિયા, નો વન કીલ્ડ જેસિકા, દિલ બોલે હડીપ્પાની ગણતરી કરવામાં આવે છે. મળતી માહિતી મુજબ રાનીની આગામી ફિલ્મ બંટી ઓર બબલીનો બીજો ભાગ હોઈ શકે છે.
  • એવોર્ડ જીતવામા બધી અભિનેત્રીઓને પાછળ છોડી દીધી…
  • રાની મુખર્જીની જોરદાર અભિનયનો અંદાજ એ વાત પરથી લગાવી શકાય છે કે તેમણે એવું કામ કર્યું છે જે કોઈ અભિનેત્રી કરી શકી નથી. રાની ને ઘણા બધા ટાઇટલ મળ્યા છે. તમને જણાવી દઈએ કે રાની તેની 25 વર્ષની ફિલ્મ કારકિર્દીમાં અત્યાર સુધી 17 વખત ફિલ્મફેર એવોર્ડ માટે નામાંકિત થઈ છે. તેમાંથી રાનીએ 7 વખત ફિલ્મફેર એવોર્ડ મેળવ્યો છે. આટલી વખત બીજી કોઈ અભિનેત્રીએ આ સિદ્ધિ નથી મેળવી. એટલું જ નહીં તે આઈફા, ઝી સિને, સ્ટાર ગિલ્ડ, સ્ક્રીન એવોર્ડ સહિતના ઘણા બધા એવોર્ડ મેળવવામાં સફળ રહી છે.
  • ફિલ્મ બેકગ્રાઉન્ડ સાથે સબંધ રાખે છે રાની મુખર્જી..
  • તમને જણાવી દઈએ કે રાનીના પિતા જ નહીં પરંતુ તેમના પરિવારના અન્ય સભ્યો પણ ફિલ્મ જગત સાથે જોડાયેલા છે. તેમની માતા કૃષ્ણા મુખર્જી પ્લેબેક સિંગર રહી ચૂકી છે. જ્યારે તેમના ભાઈ રાજા મુખર્જી પણ ડિરેક્ટર અને નિર્માતા છે. સાથે જ તમને જણાવી દઈએ કે પ્રખ્યાત અભિનેત્રી કાજોલ અને રાની વચ્ચે કઝીનનો સંબંધ છે. આ સાથે જ પ્રખ્યાત દિગ્દર્શક અયાન મુખર્જી પણ રાનીની કઝીન છે.

Post a Comment

0 Comments