બોલિવૂડ અભિનેત્રી નીના ગુપ્તા આ દિવસોમાં ખૂબ ચર્ચામાં છે. તેની ફિલ્મો અને વેબ સિરીઝ સતત કમાલ આપી રહી છે. નીના પોતાની એક્ટિંગથી આ ઈન્ડસ્ટ્રીમાં એક અલગ સ્થાન બનાવી રહી છે. ભલે પછી વાત હોય બધાઈ ફિલ્મ અથવા પંચાયત જેવી વેબ સિરીઝની તેમની એક્ટિંગે જબરદસ્ત કામ કર્યું છે. તાજેતરમાં નીના ગુપ્તા પાસે કામની કોઈ અછત નથી. આગામી દિવસોમાં આપણને તે વધુ સારા પ્રોજેક્ટ્સ કરતી દેખાશે.
આજે અમે તમને લઈ જઈએ નીના ગુપ્તાના અંગત જીવનમાં અભિનેત્રી નીના ગુપ્તાની એક પુત્રી છે જેનું નામ મસાબા ગુપ્તા છે. બંને મા દીકરીનું બંધન શાનદાર છે તે બંનેની તસ્વીરમાં જોઇ શકાય છે. નીનાની પુત્રી મસાબા તેના ઇન્સ્ટાગ્રામ પર ઘણી એક્ટિવ રહે છે. તાજેતરમાં તેણે તેના ઇન્સ્ટાગ્રામ પર એક જૂની ન જોય હોય તેવી તસ્વીર શેર કરી છે. જેને ઘણી લાઇક અને કમેન્ટ મળી રહી છે. તમને જણાવી દઈએ કે મસાબા વ્યવસાયે ફેશન ડિઝાઇનર છે.
તમને જણાવી દઈએ કે મસાબા ગુપ્તા અભિનેત્રી નીના ગુપ્તા અને વેસ્ટઇન્ડીઝના ભૂતપૂર્વ ક્રિકેટર વિવિયન રિચર્ડ્સની પુત્રી છે. જે તસ્વીરો મસાબાએ શેર કરી છે તેમાં તે ખૂબ જ નાની છે. તસ્વીરમાં જોવા મળી રહ્યું છે કે મસાબા તેની માતાના ખોળામાં સુતેલી છે. નીનાએ સફેદ અને લાલ રંગની સરસ સાડી પહેરી છે. તેમની પાસે તેના પિતા વિવિયન રિચાર્ડ્સ પણ બેઠા છે. વિવિયન કેઝ્યુઅલ ટી-શર્ટ અને શોર્ટ્સમાં જોવા મળે છે.
આ સિવાય બીજી બ્લેક એન્ડ વ્હાઇટ તસ્વીરમાં બે લોકો છે. મસાબાએ તે તસ્વીરમાં એ ઉલ્લેખ નાથી કર્યો કે આમાં કોણ કોણ છે. મસાબાએ તસ્વીર સાથેની કેપ્શનમાં લખ્યું-મારી દુનિયા ,મારું ખૂન. મસાબા દ્વારા શેર કરેલી આ પોસ્ટ પર તેના મિત્રો અને પરિચિતો ઘણી ઇન્ટરેસ્ટિંગ કમેન્ટો કરી રહ્યા છે.
મસાબાના એક ચાહકે લખ્યું સુંદર ફોટો સાથે સુંદર સંદેશ. આ સિવાય તેના બીજા ચાહકે લખ્યું કે હું તમારી મા નીનાની પ્રશંસા કરવા માંગુ છું જેમણે આ દિવસોમાં એક મહિલા તરીકે સમાજના નિયમોને પડકાર્યા હતા. તમને જણાવી દઈએ કે 1980 ના દાયકામાં નીના ગુપ્તાએ વેસ્ટઇન્ડીઝના ક્રિકેટર વિવિયન રિચર્ડ્સને ડેટ કર્યા અને આ દરમિયાન તે ગર્ભવતી થઈ હતી. ત્યારે તેણે લગ્ન કર્યાં નહોતાં. મસાબાના જન્મ પછી નીનાએ એકલી મા તરીકે મસાબાનું પાલન પોષણ કર્યું છે. મસાબા ગુપ્તા આજે એક પ્રખ્યાત ફેશન ડિઝાઇનર છે. નીનાએ પોતાની પુત્રી માટે ક્યારેય ફરીથી લગ્ન ન કર્યા.
મસાબા એક પ્રખ્યાત ફેશન હાઉસ ઓફ મસાબાની માલિક તરીકે જાણીતી છે. તમને જણાવી દઇએ કે થોડા સમય પહેલા ઓટીટી પ્લેટફોર્મ પર મસાબાએ એક્ટિંગની દુનિયામાં પણ પગ મૂક્યો હતો. વેબ સીરીઝ મસાબામાં મસાબા સાથે તેની મા નીના ગુપ્તા પણ જોવા મળી હતી. તાજેતરમાં નીના તેના અન્ય પ્રોજેક્ટમાં વ્યસ્ત છે. માહિતી મુજબ આ વર્ષમાં મસાબાની બીજી સીઝન પણ બહાર આવી શકે છે.
0 Comments