બોલિવૂડમાં એક સમયે ફરદીન ખાનનું એકતરફી રાજ થતું હતું. તે બોલિવૂડનો પ્રભાવશાળી અભિનેતા હતા. દરેક વ્યકતી તેમની સાથે ફિલ્મો કરવા માંગતા હતા. તેને પ્રેક્ષકો દ્વારા પસંદ પણ કરવામાં આવતા હતા. આજે એ જ ફરદીન ખાનનો જન્મદિવસ છે. 8 માર્ચ, 1974 ના રોજ ફિરોઝ ખાનના ઘરમાં જન્મેલા અભિનેતા ફરદીન ખાન 47 વર્ષના થઈ ગયા છે. ફરદીને 1998 માં આવેલી ફિલ્મ 'પ્રેમ અગન'થી બોલિવૂડમાં પ્રવેશ કર્યો હતો.
ફરદીને 12 વર્ષ ઈન્ડસ્ટ્રીમાં વિતાવ્યા તેમણે ઘણી સારી ફિલ્મો આપી અત્યારે તે સોલો એક પણ મોટી ફિલ્મ આપવામાં સફળ નહીં રહ્યા. ફરદીન છેલ્લે 2010 માં આવેલી ફિલ્મ "દુલ્હા મિલ ગયા"માં જોવા મળ્યા હતા. ત્યારબાદ તે કોઈ પણ ફિલ્મ કે ઇવેન્ટ અને શોમાં જોવા નથી મળ્યા. ફરદીનને આજે ભલે બોલિવૂડથી દૂર થયાને 11 વર્ષ થઈ ગયા છે. પરંતુ તેની જીવનશૈલી હજી પણ મોટા મોટા સ્ટાર્સ જેવી છે.
એક વેબસાઇટના સમાચાર મુજબ ફરદિનની પાસે લગભગ 40 મિલિયન ડોલરની (લગભગ 292 કરોડ રૂપિયા) મિલકત છે. ફરદીન ખાન પાસે મુંબઇની સાથે સાથે બેંગલોરમાં પણ કરોડો રૂપિયાની સંપત્તિ છે. તમને જણાવી દઈએ કે પિતાના અવસાન પછીથી ફરદીન તેમનો વારસો સંભાળી રહ્યા છે. અભિનેતા ફિરોઝ ખાને બેંગલોરમાં 100 એકરથી પણ વધુ જમીન ખરીદી હતી.
અભિનેતા ફિરોઝ ખાન લક્ઝરી જીવનશૈલીના ચાહક હતા. તેથી જ તેઓએ જમીન ખરીદી હતી. આ જમીન પર ફિરોઝ ખાનનું સ્વપ્ન હતું કે તે લોકોના રહેવા માટે ઘર બનાવશે. હવે તેમના નહીં રહેવાથી તેનો પુત્ર ફરદીન ખાન તેમનું આ સપનું પૂરું કરી રહ્યા છે. તાજેતરમાં ફરદીને ગોદરેજ પ્રોપર્ટીઝ સાથે મળીને એક મોટી ડીલ સાઈન કરી છે. આ ડીલ મુજબ ફરદીન ખાન 12 એકરના પ્લોટ પર ઘણા પોશ એપાર્ટમેન્ટ્સ અને વિલા બનાવશે. બેંગલુરુ સિવાય મુંબઈમાં ફરદીનની કરોડોની સંપત્તિ છે.
જણાવી દઈએ કે તેની આ ડીલ લગભગ 100 કરોડની હતી. આ ડીલ મુજબ નફાના 50 ટકા ફરદીન ખાન અને તેમની બહેન લૈલાને મળશે. ફરદીન હેડલાઇનમાં ત્યારે આવ્યા હતા જ્યારે જાન્યુઆરી 2013 માં તેની મર્સિડીઝ બેન્ઝ એસ -500 કાર જુહુની એક હોટલના પાર્કિંગમાં 4 મહિનાથી પડી રહી હતી. ફરદીને વર્ષ 2005 માં મુમતાઝની પુત્રી નતાશા સાથે લગ્ન કર્યા હતા. ફરદીન ખાનને બે બાળકો છે. પુત્રી દિયાની ઇસાબેલનો જન્મ 2013 માં થયો હતો જ્યારે પુત્ર અઝારિયસનો જન્મ 2017 માં થયો હતો.
ફરદીન ખાને તેની પત્નીને લગ્ન માટે આકાશમાં પ્રપોઝ કર્યો હતો. ફરદીન અને નતાશા ટ્રાંસ-એટલાન્ટિક ફ્લાઇટમાં લંડનથી અમેરિકા જઈ રહ્યા હતા. તે દરમિયાન મુસાફરીમાં ફરદીને નતાશાને 'આઈ લવ યુ' કહ્યુ હતું.
અભિનેતા ફરદીન ખાનની ફિલ્મોની વાત કરીએ તો તેમને પ્રેમ અગન, જંગલ, પ્યાર તુને ક્યા કિયા, લવ કે લીએ કુછ ભી કરેગા, હમ હો ગએ આપકે, કિતને દૂર કિતને પાસ, શાદી નંબર વન, એક ખિલાડી એક હસીના, કુછ તુમ કહો કુછ હમ કહે, દેવ, ફીદા, નો એન્ટ્રી, ઓમ જય જગદીશ, ખુશી, ભૂત, જાનશી,પ્યારે મોહન, જસ્ટ મેરીડ, હે બેબી, ડાર્લિંગ, લાઈફ પાર્ટનર, એસિડ ફેક્ટરી, ઓલ ધ બેસ્ટ અને દુલ્હા મિલ ગયા જેવી ફિલ્મોમાં કામ કર્યું છે.
0 Comments