બોલિવૂડ એક્ટ્રેસ કરીના કપૂર ખાન બીજી વખત ગર્ભવતી થઇ છે. સૈફ અલી ખાને કહ્યું છે કે ફેબ્રુઆરીની શરૂઆતમાં કરીના તેના બીજા બાળકને જન્મ આપશે. બીજી ડિલિવરી પહેલાં કરીના અને સૈફ તેમના પુત્ર સાથે નવા મકાનમાં શિફ્ટ થઈ ગયા છે. આ ઘર પહેલા કરતા ખૂબ જ સુંદર અને મોટું છે. પરંતુ અહીં અમે તમને સૈફ અલી ખાનને વારસાગત મળેલા મકાનની કેટલીક સુંદર તસવીરો બતાવવા જઈ રહ્યા છીએ. સૈફ અલી ખાનના આ ઘરનું નામ પટૌડી હાઉસ છે.
પટૌડી હાઉસમાં 150 ઓરડાઓ છે. તેમાં સાત ડ્રેંસીંગ રૂમ, સાત બેડરૂમ, સાત બિલિયર્ડ રૂમ અને ઘણાં બહુહેતુક રૂમો છે.
પટૌડી હાઉસની કિંમત 800 કરોડથી વધુની છે. ઘણા મોટા ઉદ્યોગપતિઓ પટૌડી હાઉસ ખરીદવા આવ્યા પરંતુ સૈફે આજદિન સુધી તેનું વેચાણ કર્યું નથી.
આ સિવાય પટૌડી હાઉસમાં ખૂબ મોટા ડ્રોઇંગ અને ડાઇનિંગ રૂમ છે. પટૌડી 10 એકર વિસ્તારમાં ફેલાયેલુ છે.
સૈફ અલી ખાનના આ પૈતૃક મકાનમાં ઘણી ફિલ્મોનું શૂટિંગ કરવામાં આવ્યું છે. હાલમાં જ રિલીઝ થયેલી વેબ સિરીઝ 'તાંડવ' ના કેટલાક સીન્સ પણ તેમાં શૂટ કરવામાં આવ્યા છે.
આ સિવાય પટૌડી હાઉસમાં વીર જારા, મેરે બ્રધર કી દુલ્હન અને મંગલ પાંડે જેવી ફિલ્મ્સનું શૂટિંગ કરવામાં આવ્યું છે.
સૈફ અલી ખાન પત્ની કરીના અને પુત્ર તૈમૂર સાથે શિયાળુ વેકેશન માટે પટૌડી હાઉસ આવે છે.
સૈફનું કહેવું છે કે આ મહેલ તેમને રોયલ લુક આપે છે. અહીં ઉભેલો કોઈપણ વ્યક્તિ રોયલ દેખાય છે.
સૈફ અલી ખાનનું મૂળ ગામ હરિયાણાના ગુરુગ્રામ પટૌડીમાં છે. તેને પટૌડી હાઉસ અથવા ઇબ્રાહિમ કોઠી પણ કહેવામાં આવે છે.
અંતમાં મન્સૂર અલી ખાન પટૌડીએ તેને નીમરાના હોટલ ગ્રુપને 17 વર્ષ માટે ભાડે આપ્યું હતું.
હોટેલ જૂથે તેને 2005 થી 2014 સુધી હોટેલ તરીકે બદલી દીધું હતું.
સૈફે ખુલાસો કર્યો હતો કે તેને પોતાની આજીવન કમાણીથી આ હોટલને બીજી વાર ખરીદી હતી.
0 Comments