ટીમ ઈન્ડિયાના સ્ટાર સ્પિનર યુઝવેન્દ્ર ચહલે ઈન્ડિયન પ્રીમિયર લીગ (આઈપીએલ) 2020 પહેલા સિંગલ થી મીંગલ થઈ ગયાની જાણ કરીને બધાને આશ્ચર્યચકિત કર્યા હતા. ખરેખર કોઈને પણ અપેક્ષા નહોતી કે આઇપીએલની તૈયારીઓ વચ્ચે યુઝવેન્દ્ર ચહલ આવા ધમાકેદાર સમાચાર આપશે. યુઝવેન્દ્ર ચહલનું નામ ધનશ્રી વર્મા સાથે જોડાયું છે. યુઝવેન્દ્રએ સોશિયલ મીડિયા પર તેની સગાઈના સમાચાર આપતાની સાથે જ અભિનંદનનો ધસારો જોવા મળ્યો. આ સાથે લોકોને પણ જાણવાની ઇચ્છા છે કે આ ધનશ્રી વર્મા કોણ છે? ખરેખર ધનશ્રી વર્મા બ્યુટી વિથ બ્રેઇનનું એક ઉત્તમ ઉદાહરણ છે.
ધનશ્રી વર્મા છેલ્લા ઘણા સમયથી યુઝવેન્દ્ર ચહલ સાથેના સંબંધમાં હતી પરંતુ બંનેએ ખૂબ જ હોશિયારીથી આ સંબંધને દુનિયાથી છુપાવ્યો હતો.
ધનશ્રી વર્માની ઇંસ્ટાગ્રામ પ્રોફાઇલમાં જણાવાયું છે કે તે ડોક્ટર, કોરિયોગ્રાફર અને યુટ્યુબર છે.
ધનશ્રી વર્મા પણ ટિકટોક પર ખૂબ જ સક્રિય હતી. તેણે તેમાં ઘણી વિડિઓઝ પણ બનાવી હતી. ચહલે પણ ટિકટોક પર ઘણી વિડિઓઝ બનાવી હતી.
ધનશ્રી પાસે ધનશ્રી વર્મા નામની યુટ્યુબ ચેનલ પણ છે. યુટ્યુબ પર તેની ચેનલના સબ્સ્ક્રાઇબર્સની સંખ્યા 1.5 મિલિયનથી વધુ છે.
ધનશ્રીના યુટ્યુબ વીડિયોને અત્યાર સુધીમાં 18 કરોડથી વધુ લોકો જોઈ ચૂક્યા છે.
ધનશ્રીની યુટ્યુબ ચેનલ અને સોશિયલ મીડિયા એકાઉન્ટ પર તેના ઘણા ડાન્સ વીડિયો છે. તે એક વ્યાવસાયિક કોરિયોગ્રાફર અને ફિટનેસ ટ્રેનર છે.
ધનશ્રી ઇન્સ્ટાગ્રામ પર પોતાની પર્સનલ અને પ્રોફેશનલ લાઇફને લગતી વસ્તુઓ શેર કરતી રહે છે.
તે સોશિયલ મીડિયા પર ખૂબ જ એક્ટિવ રહે છે. તેના ચાહકો પણ લાખોની સંખ્યામાં છે. ઇન્સ્ટાગ્રામ પર તેના 5 લાખથી વધુ ફોલોઅર્સ છે.
ઈન્સ્ટાગ્રામ પર પોસ્ટ કરાયેલા આ ફોટોના કેપ્શનમાં ધનાશ્રીએ લખ્યું છે, હવે અમે સ્પર્ધા કરીશું, મારી યુટ્યુબ ચેનલ પર.
0 Comments