આ વર્ષે બોલિવૂડ અને ટીવીના ઘણા મોટા સ્ટાર્સે વિવાદોને કારણે મોટી હેડલાઇન્સ બનાવી છે.તેમાંથી કોઈનું નામ ડ્રગ્સના કેસમાં આવ્યું તો કોઈ તેમના નિવેદનોને કારણે ચર્ચામાં રહ્યા. તેવામાં આ વર્ષે ઘણા પ્રખ્યાત યુગલો એ બ્રેકઅપ કર્યું. અહીં અમે તમને એવા જ કેટલાક સ્ટાર્સ વિશે જણાવવા જઈ રહ્યા છીએ જેના વર્ષો જૂનો સાથ 2020 માં છૂટી ગયો.
પૂજા ગૌર અને રાજસિંહ અરોરા
પૂજા ગૌર અને રાજસિંહ અરોરા છેલ્લા 10 વર્ષથી એકબીજાને ડેટ કરી રહ્યા હતા. તાજેતરમાં જ અભિનેત્રીએ સોશિયલ મીડિયા પર રાજ સાથેના તેના બ્રેકઅપ વિશે જાહેરાત કરી હતી. જો કે પૂજાએ એમ પણ કહ્યું કે બંને વચ્ચે મિત્રતાનો સંબંધ હંમેશા ટકી રહેશે.
આશા નેગી અને રીત્વિક ધનજાની
એકબીજાને 6 વર્ષ ડેટ કર્યા પછી આ દંપતીનો પવિત્ર સંબંધ આ વર્ષે સમાપ્ત થયો. ટીવી સીરિયલ 'પવિત્ર રિશ્તા'માં સાથે કામ કરતી વખતે બંનેને પ્રેમ થયો હતો. વર્ષ 2019 માં બંનેના લગ્નના અહેવાલો પણ આવ્યા હતા પરંતુ તેમના અચાનક થયેલા બ્રેકઅપથી ચાહકોને આશ્ચર્ય થયું છે.
કરણ કુંદ્રા અને અનુષા દાંડેકર
કરણ અને અનુષાની જોડી ટીવીના લોકપ્રિય કપલ્સમાંની એક હતી. કરણ અનુષા સાથે ટીવી એક્ટ્રેસ ક્રિતીકા કામરા સાથેના બ્રેકઅપ બાદ રિલેશનશિપમાં આવ્યો હતો. બંને એક બીજાને ખૂબ ચાહતા હતા અને લિવ-ઇન-રિલેશનશિપમાં પણ હતા. આવામાં તેમના બ્રેકઅપના સમાચાર થોડા દિવસો પહેલા આવ્યા હતા જેને સાંભળીને ચાહકો આશ્ચર્યચકિત થઈ ગયા હતા.
કરણ ટેકર અને ક્રિસ્ટલ ડિસોઝા
ટીવી સીરિયલ 'એક હજારો મેં મેરી બહના હૈ'માં કામ કરતી વખતે બંને એક બીજાના પ્રેમમાં પડ્યાં હતાં. જો કે બંનેએ જાહેરમાં સંબંધમાં હોવાનું કબૂલ્યું ન હતું પરંતુ તેમની વચ્ચેની નિકટતા આખી વાત જાતે જ કહેતી હતી. બંનેના બ્રેકઅપની અફવા ત્યારે પ્રકાશમાં આવી જ્યારે તેઓએ એકબીજાને સોશિયલ મીડિયા પર અનફોલોવ કરી દીધા.
આમિર અલી અને સંજીદા શેખ
આમિર અલી અને સંજીદા શેખની જોડી પ્રેક્ષકોની પસંદીદા જોડી હતી. બંનેએ ખૂબ ધૂમધામથી લવ મેરેજ કર્યા હતા. એક સાથે લાંબો સમય ગાળ્યા બાદ જ્યારે તેમના છૂટાછેડાના સમાચાર પ્રકાશમાં આવ્યા ત્યારે ચાહકોને મોટો આંચકો લાગ્યો. એવું કહેવામાં આવે છે કે અભિનેતા હર્ષવર્ધન રાણા સાથે સંજીદાની નિકટતાને કારણે આ સંબંધ તૂટી ગયો છે.
0 Comments