ક્યારેક એરપોર્ટ પર સફાઇ કામ કરતો હતો આ માણસ, હવે છે કરોડોના ટર્નઓવરવાળી કંપનીનો માલિક

  • ઑસ્ટ્રેલિયા સ્થિત મલ્ટિનેશનલ ડિજિટલ કંપનીના માલિક આમિર કુતુબ માત્ર 31 વર્ષના છે. આમિરના બિઝનેસમાં ટર્નઓવર 100 કરોડ છે. તેમની કંપની ચાર દેશોમાં અસ્તિત્વમાં છે. એક સમય હતો જ્યારે આમિર એરપોર્ટ પર સફાઇ કામ કરતા હતા. આટલું જ નહીં, આમિરે ઘરો સુધી અખબારો પહોંચાડવાનું કામ પણ કર્યું. પરંતુ તેનો પોતાનો ધંધો કરવાની ઉત્કૃસ્ટતા તેના પર એટલી છવાયેલી હતી કે કોઈ પણ પડકાર તેને હરાવી ન શક્યો. ચાલો જાણીએ આમિરની સફળતાની સંપૂર્ણ સ્ટોરી ...
  • આમિર કુતુબ અલીગઢના એક મધ્યમ વર્ગના કુટુંબથી છે. તેના પિતા સરકારી નોકરીમાં છે અને માતા ગૃહિણી છે. આમિરના પિતા ઇચ્છતા હતા કે તેનો દીકરો મોટો થાય અને ડોક્ટર અથવા એન્જિનિયર બને. આ માટે, તેના પિતાએ 12 પછી બી.ટેકમાં એડમિશન કરાવી આપ્યું. પરંતુ આમિરને ભણવામાં જરાય રસ નહોતો.
  • બી.ટેક કોર્સ દરમિયાન, બીજા વર્ષમાં, આમિરને સોશિયલ નેટવર્કિંગ એપ્લિકેશન બનાવવાનો વિચાર આવ્યો. આ વિચાર સાંભળીને મિત્રોએ મજાકમાં કહ્યું કે તમે મિકેનિકલ શાખા દ્વારા એપ્લિકેશન બનાવવાની વાત કરી રહ્યા છો. પરંતુ આમિરે આ માટે કોડિંગ શીખવાનું શરૂ કર્યું. થોડા દિવસ સુધી કોડિંગ શીખ્યા પછી, આમિરે એક મિત્ર સાથે મળીને એક સોશિયલ નેટવર્કિંગ એપ્લિકેશન બનાવી અને તેને શરૂ કરી. એક અઠવાડિયામાં જ, આ એપ્લિકેશનમાં દસ હજાર વિદ્યાર્થીઓ જોડાયા.
  • એન્જિનિયરિંગનો અભ્યાસ પૂર્ણ કર્યા પછી, આમિરને દિલ્હીની હોન્ડા કંપનીમાં નોકરી મળી. હોન્ડામાં કામ કરતી વખતે, તેણે મેન્યુઅલ કાર્યને ઑનલાઇનમાં બદલ્યું. આ કાર્યથી કંપનીના જીએમ ખૂબ ખુશ થયા અને ઘણી જગ્યાએ તેમની ઑનલાઇન સિસ્ટમ લાગુ કરી. જોકે, ધંધા કરવાની ઉત્કૃસ્ટતામાં એક વર્ષ બાદ તેણે હોન્ડા કંપનીની નોકરી છોડી દીધી.
  • ખૂબ વિચાર-વિમર્શ પછી, જ્યારે આમિરને કોઈ ધંધો સમજમાં ન આવ્યો, ત્યારે તેણે વેબસાઇટ ડિઝાઇનિંગનું ફ્રીલાન્સિંગ કામ શરૂ કર્યું. ફ્રીલાન્સિંગ કરતી વખતે, આમિરને ઑસ્ટ્રેલિયા, યુ.એસ., યુ.કે. ના ગ્રાહકો મળ્યા. તેમાંથી કેટલાકએ સલાહ આપી હતી કે તમે તમારો વ્યવસાય સેટ કરવા માટે વિદેશ કેમ નથી જતા? ક્લાયન્ટની સલાહને પગલે આમિર સ્ટુડન્ટ વિઝા પર ઑસ્ટ્રેલિયા પહોંચ્યા હતા અને ત્યાંની એમબીએ કોલેજમાં એડમિશન લીધું હતું.
  • પ્રથમ સેમેસ્ટર માટે એમબીએ કરવા માટે થોડી શિષ્યવૃત્તિ મળી હતી. થોડા પૈસા ઘરેથી મળ્યા હતા. પરંતુ ઑસ્ટ્રેલિયા પહોંચ્યા પછી, બીજા સેમેસ્ટર માટેની ફી એક પડકાર બની ગઈ હતી. આવી સ્થિતિમાં આમિરે નોકરી શોધવાનું શરૂ કર્યું. તેમણે આશરે પચાસ કંપનીઓને અરજી કરી, પણ ક્યાંય નોકરી મળી નહીં. કારણ કે તે લોકો ભારતનો અનુભવ સ્વીકારતા ન હતા. ત્રણ મહિનાની મહેનત પછી, આમિરને એરપોર્ટ પર સફાઇ કરવાની નોકરી મળી. તેઓને આ કાર્ય માટે 20 ડોલર પ્રતિ કલાક મળતા હતા. દિવસની નોકરી હોવાથી તેને વાંચવાનો સમય મળી શક્યો નહીં. આ પછી, તેમણે સફાઇ કામ છોડી દીધું અને સવારે 3 થી સવારે 7 વાગ્યા સુધી અખબારોમાં કામ કરવાનું શરૂ કર્યું.
  • આમિરના પરિવારના સભ્યોને જ્યારે આ વાતની ખબર પડી ત્યારે લોકો ખૂબ ગુસ્સે થયા અને તેમને ભારત પાછા આવવાનું કહ્યું. પરંતુ પોતાનો વ્યવસાય શરૂ કરવાના લક્ષ્યએ તેને ત્યથી જવા ન દીધા. ઘણી મહેનત પછી, આમિરે કોઈક રીતે ઑસ્ટ્રેલિયામાં પોતાની કંપનીની નોંધણી કરી. પરંતુ હવે તેની સામે પડકાર ક્લાયંટ બનાવવાનો હતો. એક દિવસ આમિરને બસમાં એક નાનો બીજનેસમેન મળ્યો. આમિરના કામ વિશે સાંભળીને તે માણસે કહ્યું કે જો તમે ઇચ્છો તો તમે મારી કંપની માટે સિસ્ટમ બનાવી શકો છો પરંતુ હું તેના માટે કોઈ ચાર્જ નહીં આપીશ. આમિરે તે વ્યક્તિ માટે એવી સિસ્ટમ બનાવી હતી, જેના કારણે તેને મહિનામાં 5000 ડોલર બચવા લાગ્યા હતા. તે વ્યક્તિ આમિરના કામથી ખુશ થઈને તેણે માત્ર પૈસા ચુકવ્યા જ નહીં, પરંતુ ઘણા ક્લાઈન્ટ પણ બનાવી આપ્યા હતા.
  • એ જ રીતે ધીરે ધીરે આમિરનો બીજનેસ સંપૂર્ણ રીતે સેટ થઈ ગયો. આજે તે ચાર દેશોમાં તેમની કંપની ધરાવે છે અને તેનું ટર્નઓવર લગભગ 10 કરોડ છે. આમિરની કંપની 100 કાયમી કર્મચારીઓ તેમજ 300 જેટલા ઠેકેદારોને રોજગારી આપે છે.

Post a Comment

0 Comments