પ્રેમની શરૂવાત કયારે કેવી રીતે અને કયા થાઈ તે કહી શકાય નહીં. પ્રેમમાં રહેવાનો યોગ્ય સમય નથી. કોઈને જોઈને જ દિલ ગુમાવવાની વાત છે. ઘણીવાર બે લોકો, જે એકબીજાને પસંદ નથી કરતા, તેઓ સમયની સાથે પ્રેમમાં પણ પડે છે. જો કોઈને મળવાનું લખ્યું છે, તો પછી તમે તે વ્યક્તિને કોઈક ને કઈક રીતે મળશો, પછી ભલે તે ડેટિંગ સાઇટ દ્વારા હોય અથવા કોઈ ફિલ્મ અથવા ટેલિવિઝન સેટ પર. ટીવી ઈન્ડસ્ટ્રીમાં એવા કેટલાક કલાકારો છે કે જેઓ બીજે ક્યાંય નહીં પણ સેટ પર કામ કરીને પ્રેમમાં પડ્યા છે. જોકે એવું કહેવામાં આવે છે કે કપલ્સ ભગવાન બનાવે છે, પરંતુ આ કપલ્સ એકતા કપૂરે બનાવ્યા છે. હા, એકતા કપૂરની સિરિયલમાં સાથે કામ કરતી વખતે આ સ્ટાર્સ એક બીજાના પ્રેમમાં પડ્યાં અને તે એક બીજાના સાથી બની ગયા.
દિવ્યાંકા ત્રિપાઢી અને વિવેક દહીયા
ટીવીની સૌથી પ્રખ્યાત અભિનેત્રીઓમાં દિવ્યાંકા ત્રિપાઠીનું નામ શામેલ છે. દિવ્યાંકા ત્રિપાઠીએ પોતાની કારકિર્દીની શરૂઆત સીરીયલ 'બનૂં મેં તેરી દુલ્હન' થી કરી હતી. આ સિરિયલમાં તેણીની સાથે શરદ મલ્હોત્રા પણ હતો. સિરિયલના શૂટિંગ દરમિયાન બંને વચ્ચે નિકટતા વધી અને તેઓએ એકબીજાને ડેટ કરવાનું શરૂ કર્યું. પરંતુ 8 વર્ષ લાંબી રિલેશનશિપ પછી બંને વચ્ચે બ્રેકઅપ થઈ ગયું. તાજેતરમાં દિવ્યાંકાએ વિવેક દહિયા સાથે લગ્ન કર્યા છે અને સુખી જીવન જીવી રહી છે. તમને જણાવી દઈએ કે, બંનેના પ્રેમની શરૂઆત એકતા કપૂરની સીરિયલ 'યે હૈ મોહબ્બતેન' ના સેટથી થઈ હતી.
હિતેન તેજવાની અને ગૌરી પ્રધાન
બંનેની પહેલી મુલાકાત 2001 માં એકતા કપૂરની સિરિયલ 'કુટુંબ' દરમિયાન થઈ હતી. શરૂઆતમાં, બંનેને એકબીજાને સાથ ગમ્યો નહીં, પરંતુ ધીમે ધીમે તેઓ એકબીજાને પસંદ કરવા લાગ્યા. બંનેએ વર્ષ 2004 માં આવેલી 'ક્યોકિ સાસ ભી કભી બહુ થી' માં ફરી સાથે કામ કર્યું હતું અને આ સિરિયલના શૂટિંગ દરમિયાન બંનેએ લગ્ન કરવાનો નિર્ણય લીધો હતો.
ઋત્વિક ધનજાની અને આશા નેગી
ઋત્વિક ધંજાની અને આશા નેગીના લગ્ન કદાચ હજી સુધી નથી થયા, પરંતુ આ કપલે છેલ્લા 8 વર્ષથી સુખી સંબંધમાં રહીને બીજાઓ માટે એક દાખલો બેસાડ્યો છે. બંનેની પહેલી મુલાકાત વર્ષ 2011 માં એકતા કપૂરના શો 'પવિત્ર રિશ્તા' ના સેટ પર થઈ હતી. સિરિયલમાં રોમાંસ કરતી વખતે બંનેને વાસ્તવિક જીવનમાં પ્રેમ થઈ ગયો હતો. આજે 8 વર્ષ પછી પણ બંનેનો પ્રેમ પહેલાની જેમ અકબંધ છે અને સમાચાર મુજબ બંને જલ્દીથી લગ્ન કરી શકે છે.
રામ કપૂર અને ગૌતમી કપૂર
એકતા કપૂરની સિરિયલ ઘર એક મંદિરના સેટ પર રામ કપૂર અને ગૌતમી કપૂર મળ્યા હતા. તે ટૂંકા સમયમાં જ વાસ્તવિક જીવનમાં પ્રેમમાં પણ પડી ગયા. આજે બંને સુખી દાંપત્ય જીવન જીવી રહ્યા છે. રામ કપૂર નાના પડદા પર એક ખૂબ જાણીતો કલાકાર છે. જણાવી દઈ કે, રામ કપૂર સાથે ગૌતમીનું આ બીજું લગ્ન છે.
યશ ટોંક અને ગૌરી યાદવ
યશ ટોંક અને ગૌરી યાદવ એકતા કપૂરના લોકપ્રિય શો 'કહિ કિસી રોઝ' ના સેટ પર જોવા મળ્યા હતા. આ સિરિયલમાં યશ ટોંકે રમોલા સિકંદના પુત્રની ભૂમિકા ભજવી હતી. આ સિરિયલમાં ગૌરી યશ ટોંકના નાના ભાઈની પત્ની બની હતી. સિરિયલના શૂટિંગ દરમિયાન બંને વચ્ચે નિકટતા વધવા લાગી અને થોડા સમય પછી બંનેના લગ્ન પણ થઈ ગયા. આજે યશ અને ગૌરી સુખી લગ્ન જીવન જીવી રહ્યા છે.
0 Comments