બોલિવૂડના જાણીતા ફિલ્મમેકર સંજય લીલા ભંસાલીની ફિલ્મો બોક્સ ઑફિસ પર ખૂબ જ સફળ થાય છે. સંજયની ફિલ્મમાં જે પણ કામ કરે છે, તે સ્ટાર્સ ઊંચાઈએ પહોંચે છે. કારણ કે ફિલ્મ જો સંજયની છે, તો તે એટલી ભવ્ય હોય છે કે તેમાં કામ કરનારા કલાકારોનું ભાગ્ય પણ ભવ્ય બની જાય છે. પદ્માવત ફિલ્મ બાદ સંજય લીલા ભંસાલી ફરી એકવાર નવી ફિલ્મની તૈયારી કરી રહ્યા છે. સમાચારો અનુસાર, આ ફિલ્મ એક મ્યુઝિકલ ફિલ્મ હશે અને સમાચાર મુજબ સંજય આ ફિલ્મમાં તેની બહેનની પુત્રી શર્મિનને લોન્ચ કરવા જઈ રહ્યાં છે.
સમાચારો અનુસાર સંજય લીલા ભંસાલી જાવેદ જાફરીના પુત્ર મીજન જાફરી અને તેની ભત્રીજી શર્મિનને ટૂંક સમયમાં લોન્ચ કરવાની યોજના બનાવી રહ્યા છે. એવું કહેવામાં આવી રહ્યું છે કે સંજય જાવેદ જાફરીના પુત્ર મીજાન માટેના પ્રોજેક્ટ પર કામ કરી રહ્યો છે, પરંતુ હજી સુધી તેની કોઈ સત્તાવાર જાહેરાત કરવામાં આવી નથી. જણાવી દઈએ કે સંજયે મીજાન સાથે ત્રણ ફિલ્મ્સ માટે સાઇન અપ કર્યું છે. તેમની પહેલી ફિલ્મ થોડા સમય માં બહાર આવે તેવી સંભાવના છે. જો સૂત્રોની વાત માનીએ તો ફિલ્મનું નામ મલાલ રાખવામાં આવ્યું છે.
સંજય લીલા ભંસાલી બોલિવૂડમાં ફિલ્મ નિર્માતા છે તે વાતથી બધા વાકેફ છે. પરંતુ હવે રાહ એ છે કે જ્યારે સંજય તેની બહેનની દીકરી માટે ફિલ્મ લાવશે ત્યારે તે બોક્સ ઑફિસ પર કેટલી કમાલ બતાવી શકશે. વાત કરીએ સંજયની બહેન વિશે તો બેલા બોલિવૂડની જાણીતી ફિલ્મ એડિટર છે. તેણે સંજયની ઘણી ફિલ્મોનું એડિટ પણ કર્યું છે. તમને જણાવી દઇએ કે સંજય જે ફિલ્મમાંથી મિરાજ અને શર્મિનને લોન્ચ કરવાની તૈયારી કરી રહ્યાં છે તે એક મ્યુઝિકલ ફિલ્મ હશે જેનું દિગ્દર્શન મંગલે હડવાલે કરશે. મંગેશએ એક ઇન્ટરવ્યુમાં કહ્યું હતું કે આ ફિલ્મ એક મ્યુઝિકલ લવ સ્ટોરી છે જેમાં એક યંગ કપલની જરૂર હતી, જેના માટે શર્મિન એકદમ પરફેક્ટ હતી.
સંજય લીલા ભંસાલીની ફિલ્મ પદ્માવત હતી, જેણે રિલિઝ પહેલા જ ઘણા વિવાદનો સામનો કર્યો હતો, કરણી સેનાએ આ ફિલ્મ રિલીઝ ન કરવા માટે ખૂબ જ પ્રયાસ કર્યા હતા, પરંતુ જ્યારે આ ફિલ્મ બોક્સ ઑફિસ પર રિલીઝ થઈ ત્યારે પ્રેક્ષકોને ખૂબ પસંદ આવી હતી. આ ફિલ્મે બોક્સ ઑફિસ પર સારું પ્રદર્શન કર્યું હતું. સંજયની દરેક ફિલ્મમાં કંઇક અલગ હોય છે, હવે જોવાનું એ રહ્યું કે સંજયની આ ફિલ્મ બોક્સ ઑફિસ પર કેટલી ધમાલ બતાવી શકશે કે કેમ અને તેની ભત્રીજી અને જાવેદ જાફરીનો પુત્ર બોક્સ ઑફિસ પર હિટ થઈને દર્શકોના દિલમાં સ્થાન બનાવે છે કે નહીં.
0 Comments