'કુછ કુછ હોતા હૈ' બોલીવુડની સૌથી મોટી હિટ ફિલ્મોમાંની એક છે અને આજે પણ લોકોને આ ફિલ્મના દરેક પાત્ર ખૂબ સારી રીતે યાદ છે. આ ફિલ્મમાં શાહરૂખ ખાન અને કાજોલ મુખ્ય ભૂમિકામાં હતાં અને આ રોમેન્ટિક ફિલ્મ હતી. આ ફિલ્મમાં ઘણા કલાકારો હતા, જેમાંથી એક છોટે સરદાર પણ હતો. આ છોટે સરદારનું પાત્ર લોકોએ ખૂબ પસંદ કર્યું હતું. જો કે હવે આ છોટે સરદાર મોટા થઈ ગયા છે અને જલ્દી જ લગ્ન કરવા જઇ રહ્યાં છે.
'કુછ કુછ હોતા હૈ' માં, છોટે સરદારની ભૂમિકા પરજાન દસ્તુરએ ભજવી હતી. પરજાન દસ્તુરે આ ફિલ્મમાં એક ડાયલોગ બોલ્યો હતો, જે આજે પણ ખૂબ જ પ્રખ્યાત છે. ડાયલોગ હતો કે 'તુસી જા રહે હો, તુસી ના જાઓ પરજાન દસ્તુર માત્ર એક નાના રોલથી ખૂબ પ્રખ્યાત થયા.
પરજાન દસ્તુર હવે મોટા થઈ ગયા છે અને આવતા વર્ષે તેઓ લગ્ન કરવા જઈ રહ્યા છે. 28 વર્ષીય પરજાન દસ્તુરે તાજેતરમાં જ તેમની ગર્લફ્રેન્ડ ડેલાના શ્રોફ સાથે લગ્નની ઘોષણા કરી છે. તેમણે પોતાના લગ્નના સમાચાર સોશિયલ મીડિયા પર લોકો સાથે શેર કર્યા.
એક પોસ્ટ શેર કરતાં તેમણે લખ્યું છે કે ‘એક વર્ષ પહેલા તેમણે હા પાડી હતી અને હવે 4 મહિના પછી લગ્ન કરી લેશે.’ પરજાન દસ્તુરે તેમની ગર્લફ્રેન્ડ ડેલાના શ્રોફનો ફોટો પણ સોશિયલ મીડિયા પર શેર કર્યો હતો. જેમાં તેઓ ડેલાનાને પ્રપોઝ કરતા નજરે પડે છે. તેમણે જે ફોટો શેર કર્યો છે, તેમાં તેઓ ડેલાનાને ખૂબ રોમેન્ટિક રીતે પ્રપોઝ કરી રહ્યા છે. શેર કરેલી તસવીરમાં પરજાન પોતાના ઘૂંટણ પર બેસીને ડેલાનાને રિંગ આપતા જોવા મળે છે.
તમને જણાવી દઇએ કે તેમણે એક વર્ષ અગાઉ ડેલના શ્રોફ સાથે સગાઈ કરી હતી. એવું કહેવામાં આવે છે કે ડેલાના શ્રોફ પરજાનની મુલાકાત કોલેજ દરમિયાન થઈ હતી અને તે પ્રેમમાં બદલાઈ. ઘણા વર્ષોથી આ બંને એકબીજાને ડેટ કરી રહ્યા હતા. અત્યારે તેઓ લગ્ન કરવા જઇ રહ્યા છે. તેમના લગ્ન ફેબ્રુઆરી મહિનામાં થવાના છે.
ઘણી ફિલ્મોમાં કર્યું છે કામ
પરાજન દસ્તુરે ઘણી ફિલ્મોમાં બાળ કલાકાર તરીકે કામ કર્યું છે. તેમણે મોહબ્બતે, કહો ના પ્યાર હૈ, હાથ કા અંડા, બ્રેક કે બાદ, હમ તુમ પરઝાનિયા, કભી ખુશી કભી ગમ, કેહતા હૈ દિલ બાર બાર, સિંકંદર અને પોકેટ મમ્મી જેવી ફિલ્મોમાં કામ કર્યું છે. ફિલ્મો ઉપરાંત તેઓએ અનેક જાહેરાતોમાં પણ દેખાઈ ચુક્યાં છે. તેમને ધારા રિફાઇન્ડની જલેબી વાળી જાહેરાતથી ઘણી પેહચાન મળી હતી. થોડા વર્ષો પહેલા તે શોર્ટ ફિલ્મ બારીશમાં જોવા મળ્યા હતા.
0 Comments