છેલ્લા ઘણા દિવસોથી બોલિવૂડ સિંગર નેહા કક્કર સતત તેમના લગ્નને લઈને ચર્ચામાં રહેતી હતી. નેહા કક્કરે 24 ઓક્ટોબરના રોજ પંજાબના જાણીતા સિંગર રોહનપ્રીત સિંહ સાથે દિલ્હીના ગુરુદ્વારામાં લગ્ન કર્યા. લગ્નની ઘણી તસવીરો અને વીડિયો સોશિયલ મીડિયા પર વર્ચસ્વ ધરાવતા હતા. ખુદ નેહાએ પણ તેમના ઇન્સ્ટાગ્રામ એકાઉન્ટ પર લગ્ન પ્રસંગની તસવીરો તેના ફેન્સ સાથે શેર કરી હતી.
દિલ્હીમાં લગ્ન બાદ સોમવારે કપલએ પંજાબમાં તેમના ભવ્ય લગ્નનું રિસેપ્શન આપ્યું હતું, જેમાં બોલિવૂડ સ્ટાર્સ સહિત સોશ્યલ મીડિયાના કેટલાક જાણીતા સ્ટાર્સ પણ હાજર રહ્યા હતા. તેમના લગ્નના દરેક ફંક્શનમાં નેહા કક્કરનો જલવો જોવા મળ્યો હતો. જોકે, કેટલાક યુઝર્સે તેમને દીપિકા પાદુકોણ, પ્રિયંકા ચોપડા અને અનુષ્કા શર્માના લુકની કોપી કરવા માટે ટ્રોલ કર્યા હતા.
યુઝર્સે કરી નેહાને ટ્રોલ
હકીકતમાં, સોશિયલ મીડિયા યુઝર્સની વાત માનીએ તો નેહા કક્કરે તેમના લગ્નમાં આ ત્રણેય અભિનેત્રીઓના લુકની કોપી કરી છે. એક સોશિયલ મીડિયા યુઝરે નેહાને ટ્રોલ કરતાં લખ્યું કે, "ગીત તો ઠીક છે લગ્નનો લૂક તો ઓછામાં ઓછો ઓરીજનલ રાખવો તો." આવી ઘણી ક્મેંટ્સ નેહાની તસવીરો પર જોવા મળી હતી.
જો કે, કેટલાક લોકો એવા પણ છે જેમને નેહાના દરેક લુક ગમ્યા અને તેઓ માને છે કે નેહાએ પણ જો દેખાવની કોપી કરી છે, તો પણ તેમણે અભિનેત્રીઓથી ઇન્સપાયર થઈને, તેને ચોરી કરવી ન કેવાય. તેમના કહેવા પ્રમાણે, જો કોઈ કોઈનાથી ઇન્સપાયર થાય છે તો આમાં કંઈ ખોટું નથી. ઘણી છોકરીઓ બોલિવૂડ અભિનેત્રીના લુકથી ઇન્સપાયર હોય છે અને જો નેહાએ કોઈ લૂક પસંદ આવ્યો અને તેમણે તે લૂકની કોપી કરી તો તેમાં ખોટું શું છે?
સિંગરે આપ્યો મુહતોડ જવાબ
હવે નેહાએ આ મામલે પોતાનું મૌન તોડ્યું છે. નેહાએ તેમના સોશ્યલ મીડિયા એકાઉન્ટ પર લહેંગામાં તેમનો ફોટો શેર કરીને ટ્રોલસને જવાબ આપ્યો છે. પોતાનો ફોટો શેર કરતી વખતે નેહાએ જણાવ્યું છે કે તેમણે તેના લગ્નમાં સબ્યસાચીનો લહેંગા પહેર્યો હતો.
ફોટાઓ શેર કરતાં નેહાએ લખ્યું કે, "લોકો તેમના જીવનમાં એકવાર સબ્યસાચીનો લહેંગા પહેરવા માટે મરે છે અને અમને આ સપનાને સ્વયં સબ્યસાચીએ ભેટ આપી હતી. સપના સાચા થાય છે પરંતુ જો તમે સખત મહેનત કરો છો અથવા તો તમે સારું કામ કરશો. આભાર માતા રાણી. આભાર વાહેગુરુ ”. ઉપરાંત નેહાએ બીજી એક પોસ્ટ પણ કરી, જેમાં તે લખે છે, "# સબ્યાસાચી કપલ!!! થેન્કયૂ સબ્યાસાચી બેસ્ટ આઉટફિટ આપવા બદલ.
નેહાની આ પોસ્ટ પછી લોકો એવું અનુમાન કરવા લાગ્યા છે કે નેહાએ લગ્નમાં પહેરેલો લહેંગા કદાચ તેમને સબ્યસાચીએ ભેટ આપી હતી, જેને નેહાએ ખૂબ પ્રેમથી કૈરી કર્યું છે. નેહાના થનાર પતિ રોહનપ્રીત સિંહની વાત કરીએ તો તે સિંગિંગ રિયાલિટી શો 'ધ રાઇઝિંગ સ્ટાર'માં એક કંટેસટેંટ તરીકે જોવા મળ્યા હતા. આ સિવાય તે શહનાઝ ગિલના સ્વયંવર 'મુઝસે શાદી કરોગે'માં પણ જોવા મળ્યા હતા.
0 Comments