સુશાંત સિંહ આપઘાત કેસમાં બિહાર સરકારે સીબીઆઈ તપાસની ભલામણ કરી

• અભિનેતા સુશાંત સિંહ રાજપૂતનાં મોતનાં કેસમાં સેન્ટ્રલ બ્યુરો ઑફ ઇન્વેસ્ટિગેશન (સીબીઆઈ) ની તપાસની ભલામણ કરવામાં આવી છે. બિહારના મુખ્ય પ્રધાન નીતીશ કુમારે કેન્દ્રને સીબીઆઈ તપાસની ભલામણ કરી છે. સુશાંતસિંહ રાજપૂતના પિતા કે.કે.સિંઘે મંગળવારે સીએમ નીતિશ કુમાર સાથે વાત કરી હતી અને સીબીઆઈ તપાસની માંગ કરી હતી.

• બિહારના મુખ્ય પ્રધાન નીતીશ કુમારે વાત કરતાં કહ્યું કે મેં સુશાંતસિંહ રાજપૂતના પિતા સાથે વાત કરી. તેમણે સીબીઆઈ તપાસની માંગ કરી હતી. તેમની માંગના આધારે, બિહાર સરકાર સીબીઆઈ તપાસની ભલામણ કરશે. આજે સાંજ સુધીમાં તમામ કાગજી કાર્યવાહી પૂરી કરવામાં આવશે.

• સુશાંતસિંહ રાજપૂતના પરિવારના એડવોકેટ વિકાસસિંહે મુંબઇ પોલીસ પર તપાસમાં સહકાર ન આપવાનો અને તપાસમાં અવરોધરૂપ હોવાનો આક્ષેપ કર્યો છે. વિકાસસિંહે કહ્યું- મુંબઈ પોલીસ તપાસમાં અડચણ ઉભી કરી રહી છે. આ પહેલીવાર છે જ્યારે તપાસ અધિકારીઓને કામ કરવાની છૂટ નથી. આવી સ્થિતિમાં આરોપીને લાભ મળે છે.