કોરોના સમયગાળા દરમિયાન તમામ પ્રકારની સમસ્યાઓ જોવા મળી રહી છે, પરંતુ દેશની જનતાએ પણ સોનુ સૂદનું એક અલગ જ રૂપ જોયું છે. લોકડાઉનમાં હજારો લોકોની મદદને કારણે સોનુ સૂદ ચર્ચામાં છે. તેણે તાજેતરમાં આંધ્રપ્રદેશના એક ગરીબ ખેડૂતના ઘરે એક ટ્રેક્ટર મોકલ્યું છે.
સોનુ સૂદે ગરીબ ચિત્તૂરના ખેડૂત નાગેશ્વર રાવને એક નવું ટ્રેક્ટર મોકલ્યું છે. આ ટ્રેક્ટરની ડિલિવરી આંધ્રપ્રદેશના ચિત્તૂર ગામે રહેતા નાગેશ્વરના ઘરે થઈ છે. નાગેશ્વરરાવે આ વિશેષ ભેટ માટે સોનુ સૂદની પ્રશંસા કરી છે. તેણે કહ્યું હતું કે, સોનુ રીલ લાઇફમાં વિલન બની શકે છે, પરંતુ વાસ્તવિક જીવનમાં તે આપણા માટે હીરો છે. હું અને મારો પરિવાર સોનુને તેની મહેરબાની માટે નમન કરીએ છીએ.
ખરેખર, રાવનો એક વીડિયો સોશિયલ મીડિયા પર વાયરલ થઈ રહ્યો હતો. આ વીડિયોમાં જોઇ શકાય છે કે નાગેશ્વર રાવ તેની બે પુત્રી સાથે ખેતરમાં ખેતી કરે છે. તેની પાસે આખલો ભાડે રાખવા માટે પૂરતા પૈસા નથી. વીડિયોમાં છોકરીઓ કરેલી મહેનત જોઈને દરેકનું હૃદય ઓગળી ગયું હતું. આ વીડિયો જોઇને સોનુ સૂદે તેની પરિચિત શૈલીમાં આ પરિવારને મદદની જાહેરાત કરી હતી. ખાસ વાત એ છે કે આ ટ્રેક્ટર નાગેશ્વર સુધી પણ પહોંચી ગયુ છે.
નોંધપાત્ર વાત એ છે કે સોનુ સૂદ લોકડાઉનના સમયથી મજૂરો, વિદ્યાર્થીઓથી લઈને ખેડુતો સુધીની દરેકની મદદ માટે આગળ આવી રહ્યા છે. તાજેતરમાં જ તેમણે દશરથ માંઝીના પરિવારને આર્થિક સહાય આપવાની વાત પણ કરી હતી. આ સિવાય સોનુ સૂદ વિદેશમાં ફસાયેલા હજારો વિદ્યાર્થીઓને દેશમાં પણ પાછા લાવી રહ્યા છે. ફ્લાઇટ દ્વારા બધાને ભારત લાવવાનું મિશન પણ શરૂ કરાયું છે. અગાઉ, હજારો કામદારો લોકડાઉનમાં ફસાયા હતા તેઓને વતન મોકલ્યા હતા. અગાઉ, તેમણે ડોકટરોની મદદ પણ કરી હતી. સોનુ આ અનુભવોને પુસ્તકના રૂપમાં પણ આપશે.
0 Comments