ભજ્જીના ઘરનું વીજળી બિલ એટલું આવ્યું કે, તે બોલ્યો - તમે આખા વિસ્તારનું મોકલ્યું કે શું ?

• ભારતીય ઓફ સ્પિનર ​​હરભજન સિંઘ હંમેશાં સોશિયલ મીડિયા પર સક્રિય રહે છે. ભજ્જીએ આ વખતે મુંબઇમાં તેમના ઘરના વીજળી બિલ અંગે ટ્વિટર પર નારાજગી વ્યક્ત કરી છે. હરભજનસિંહે ટ્વીટ કરીને લખ્યું, 'આટલું બિલ. શું તમે આખા પાડોશનું લગાવી દીધું કે શું ? સામાન્ય બિલ કરતા 7 ગણું વધારે ??? વાહ. '

• હરભજન સિંહના કહેવા પ્રમાણે, મુંબઈમાં તેમના ઘરનું વીજળીનું બિલ 33,900 રૂપિયા આવ્યું છે, જેના પર તેમણે નારાજગી વ્યક્ત કરી છે.

• જાણીએ કે કેટલાક સમયથી મહારાષ્ટ્રમાં લોકોના ઘરોમાં વીજળીના બિલ નોંધપાત્ર રીતે વધીને આવવા લાગ્યા છે. હરભજન પહેલા પણ અનેક હસ્તીઓ તેમના વીજળીના બિલને લઈને સોશિયલ મીડિયા પર વીજળી વિતરણ કંપનીઓને નિશાન બનાવી ચૂકી છે.

• જણાવી દઈએ કે હરભજનસિંહે ભારત માટે 103 ટેસ્ટમાં 417 વિકેટ લીધી છે. હરભજન 2016 થી ભારતીય ટીમનો ભાગ નથી રહ્યો.આઇસીસીએ આ વર્ષે ઓસ્ટ્રેલિયામાં યોજાનારા ટી -20 વર્લ્ડ કપને સ્થગિત કરી દીધો છે જેથી આઈપીએલ 13 ની રસ્તો સ્પષ્ટ થઈ ગયો છે. ટૂંક સમયમાં હરભજન સિંહ ચેન્નઈ સુપર કિંગ્સ તરફથી આઈપીએલમાં રમતો જોવા મળશે.