પોલીસને સુશાંત સિંહની બેંક ડિટેલ્સ મળી, તમે પણ જોઈ શકો છો કે કરોડો રૂપિયા ક્યારે, ક્યાં અને કેવી રીતે ખર્ચવામાં આવ્યા

• સુશાંતસિંહ રાજપૂત આપઘાત કેસમાં હવે એક નવો વળાંક આવ્યો છે. તાજેતરમાં સુશાંતના પિતા કે.કે.સિંઘે તેમના પુત્રની ગર્લફ્રેન્ડ રિયા ચક્રવર્તી વિરુદ્ધ પટનાના રાજીવ નગર પોલીસ સ્ટેશનમાં એફઆઈઆર નોંધાવી છે. પરિવારે આરોપ લગાવ્યો છે કે રિયાએ પહેલા સુશાંતને તેના પ્રેમની જાળમાં ફસાવ્યો હતો અને ત્યારબાદ પૈસા માટે બ્લેકમેલ કર્યો હતો. એવો પણ આરોપ છે કે રિયા અને તેના પરિવારે સુશાંતને બ્લેકમેલ કર્યો હતો અને કરોડો રૂપિયા લીધા હતા. બીજી તરફ, જ્યારે મુંબઇ પોલીસે સુશાંતના ખાતાની વિગતોની તપાસ કરી ત્યારે જાણવા મળ્યું કે રિયા સુશાંતના નાણાં પર તેના તમામ ખર્ચા કરતી હતી. હવે આ બેંક વિગતોને લઈને કેટલીક વધુ માહિતી બહાર આવી છે.

• મુંબઈ પોલીસના કહેવા પ્રમાણે, જાન્યુઆરી 2019 માં સુશાંતના કોટક મહિન્દા બેંક ખાતામાં 6.5 કરોડથી 7 કરોડ રૂપિયા હતા. તેમના મૃત્યુ સમયે આ રકમ 2.5 કરોડ થઈ ગઈ હતી. સુશાંત રોયલ્ટી અને એડના પૈસા મેળવતો હતો. તેમના તમામ ખર્ચ આ દ્વારા ચલાવવામાં આવતા હતા. અંગત ખર્ચ માટે આ ખાતામાંથી રોજેરોજ હજારો રૂપિયાની નગદી નીકળતી હતી.

• જો પોલીસનું માણીએ તો સુશાંતે ચોક્કસપણે રિયા પર પૈસા ખર્ચ કર્યા હતા, પરંતુ તે રકમ કેટલી મોટી હતી, તેની હાલમાં પોલીસ તપાસ કરી રહી છે. પ્રારંભિક તપાસમાં ખુલાસો થયો કે રિયાના મોટાભાગના ખર્ચ સુશાંતના ખાતામાંથી થયા છે. ઉદાહરણ તરીકે, સુશાંત ખરીદી અને સ્પા જેવી વસ્તુઓનો ખર્ચ કરતો હતો. જેમાં થોમસ કૂકને 45 લાખ રૂપિયા પણ અપાયા હતા. પોલીસના જણાવ્યા મુજબ આ રકમ યુરોપ ટૂરની પણ હોઈ શકે છે. તે સમયે સુશાંત, રિયા અને તેનો ભાઈ યુરોપ પ્રવાસ પર ગયા હતા. પોલીસ હાલમાં સમગ્ર મામલાની તપાસ કરી રહી છે. તે પછી જ કંઈક સ્પષ્ટ કહી શકાય.

• સુશાંતના સીએ અનુસાર તે આર્થિક તણાવમાંથી પસાર થઈ રહ્યો ન હતો. સુશાંત પાસે પૈસા હતા. આ પૈસા આવતા અને ખર્ચ પણ થતાં હતા. તેણે બાંદ્રામાં એક મકાન ભાડે પણ લીધું હતું. તેનું ભાડુ એક મહિના માટે સાડા ત્રણ લાખ રૂપિયા હતું, જે એક વર્ષનું ભાડું સાથે આપવામાં આવતું હતું. સુશાંતની ઘણી કંપનીઓ કાગળ પર હોવાથી તેમાં કોઈ રોકાણ થયું ન હતું.

• સુશાંતે પુણે નજીક પાવના ડેમ પર વિલા પણ લીધો હતો. તેનું ભાડુ પણ સુશાંતના ખાતામાંથી કાપવામાં આવ્યું હતું. આ સિવાય પોલીસને એ પણ ખબર પડી છે કે અંધેરીના વોટર સ્ટોન રિસોર્ટમાં બુકિંગ કરાયું હતું. હવે તે કેમ કરવામાં આવ્યું તે શોધવાનો પ્રયાસ કરી રહ્યા છીએ. હકીકતમાં, બિહારમાં નોંધાયેલ એફઆઈઆર પછી, મુંબઈ પોલીસ સુશાંતની બેંકની વિગતોની ઉડાઈથી તપાસ કરી રહી છે. તે જાણવાનો પ્રયત્ન કરી રહી છે કે સુશાંતના પૈસા કોણ ખર્ચતા હતા.