ગુજરાતમાં કોરોના વાઇરસ નો ફેલાવો સતત ને સતત વધતો જાય છે અને દિવસેને દિવસે કોરોના પોઝિટીવ કેસમાં સતત વધારો થઈ રહ્યો છે. ત્યારે આજ ના કેસ ની વાત કરવામાં આવે તો ગુજરાતના આરોગ્ય વિભાગ દ્વારા છેલ્લા 24 કલાક માં નોંધાયેલા કોરોના વાયરસ પોઝીટીવ કેસ ના આંકડા જાહેર કરવામાં આવ્યા હતા. આજે સરકાર એવી ખુશખબર લઈને આવી છે કે, રાજ્યમાં કોરોના ડબલિંગ થવાનો કેસ વધ્યો છે. કેસ બમણા થવાનો દર ભારત સરકારના ૧૩.૯૭ દિવસની સાપેક્ષમાં રાજ્યમાં ૨૪.૮૪ દિવસ થયો છે.
ગુજરાતમાં છેલ્લા 24 કલાક માં નોંધાયેલા કોરોના પોઝીટીવ કેસ ની જો વાત કરવામાં આવે તો રાજ્ય માં આજે 372 કેસ નો વધારો જોવા મળ્યો છે. જેમાં અમદાવાદ માં સૌથી વધુ 253 કેસ, સુરતમાં 45 કેસ,મહીસાગરમાં 14 કેસ, વડોદરામાં 34 કેસ, નવસારી 2 કેસ, સુરેન્દ્રનગરમાં 1 કેસ, બનાસકાઠામાં 2 કેસ, મહેસાણામાં 7 કેસ, કચ્છ માં 4 કેસ, રાજકોટમાં 1 કેસ, ગાંધીનગરમાં 8 કેસ, ખેડા 1 કેસ, મહીસાગર 1 કેસ, જુનાગઢ 1 કેસ પોઝીટીવ નોંધાયા છે. જયારે રાજ્યમાં છેલ્લા 24 કલાકમાં કોરોના ને લીધે 20 લોકોના મૃત્યુ થયા છે. અને 608 લોકો કોરોના થી નિરોગી થઇ ને હોસ્પિટલમાંથી ઘરે પરત ફર્યા છે.
ગુજરાતમાં અત્યાર સુધીના ટોટલ કોરોના કેસની વાત કરવામાં આવે તો 15,944 કેસ નોંધાયા છે. જેમાંથી કુલ 980 લોકોના કોરોના થી મૃત્યુ નિપજ્યા છે. અને 8,609 લોકો કોરોના થી નિરોગી થઇ ને હોસ્પિટલમાંથી ઘરે પરત ફર્યા છે. સમગ્ર દેશ ની વાત કરવામાં આવે તો ભારતમાં 172,359 કેસ નોંધાયા છે. જેમાં સૌથી વધુ કેસ મહારાષ્ટ્રમાં ત્યાર બાદ બીજા ક્રમે તામિલનાડુમાં, ત્રીજા ક્રમે દિલ્હી અને ચોથા ક્રમે ગુજરાત માં સૌથી વધુ કોરોના કેસ નોંધાયા છે.
0 Comments